Canlyniadau troseddau cyllyll

Cario cyllyll neu arfau eraill

Nid yw cario cyllell neu unrhyw arf yn syniad da. Mae rhai pobl yn cario cyllell am eu bod yn meddwl bod ‘pawb arall yn gwneud hynny’ ond nid yw hynny’n wir - nid yw 99 y cant o bobl ifanc yn y DU yn cario cyllell.

Mae rhai pobl ifanc yn meddwl os ydych yn cario cyllell yna bydd yn eich amddiffyn. Ond mae ystadegau’n dangos os ydych yn cario cyllell neu arf yna rydych yn fwy tebygol o gael eich brifo. Gallwch gael eich ystyried yn fygythiol. Efallai y byddwch hefyd yn cael eich brifo gan eich arf eich hun. Mae hefyd yn anghyfreithlon i gario cyllyll ac arfau eraill.

Efallai y byddwch yn meddwl y cewch eich parchu neu hyd yn oed eich ofni am gario arf. Ond y cyfan mae’n ei wneud mewn gwirionedd yw eich rhoi chi, eich ffrindiau a’ch teulu mewn perygl.

Deall y canlyniadau.

• Mae cario cyllell neu wn yn anghyfreithlon.
• Mae cario cyllell neu wn yn cynyddu eich risg o gael eich anafu.
• Mae hefyd yn cynyddu’r risg y bydd y bobl o’ch cwmpas yn cael eu hanafu, a gall achosi trallod a gofid mawr i’ch teulu.
• Mae gan yr heddlu hawl i stopio a chwilio rhywun os ydynt yn credu bod arf yn cael ei gario.
• Gallai bod â chofnod troseddol eich atal rhag cael mynediad i’ch dewis o goleg neu brifysgol, rhag cael swydd a gallai osod cyfyngiadau arnoch rhag teithio i rai gwledydd megis Unol Daleithiau America.
• Gallech fynd i garchar am hyd at bedair blynedd os canfyddir bod cyllell yn eich meddiant neu bum mlynedd am wn, hyd yn oed os ydych yn cario’r arf ar ran rhywun arall.
• Yn yr achos gwaethaf, gallech gael carchar am oes am lofruddiaeth.
• Er mai cerdded i ffwrdd yw’r peth anoddaf i’w wneud yn aml, dyma’r peth mwyaf diogel ac ni fyddwch yn mynd i drafferth gyda’r heddlu.

Gallwch fynd at Fearless i gael cyngor, clywed straeon go iawn am bobl sydd wedi trawsnewid eu bywydau ar ôl bod yn gysylltiedig â throseddau cyllyll, yn ogystal â chael gwybodaeth am fannau y gallwch fynd iddynt am ragor o gymorth a chefnogaeth.