Eich hawliau yn ystod yr ymchwiliad
| 1. Yr ymchwiliad |
| 2. Eich hawliau yn ystod yr ymchwiliad |
| 3. Cyfeirio achos at Wasanaeth Erlyn y Goron |
| 4. Beth sy'n digwydd os bydd achos sbeicio yn mynd i dreial |
Eich hawl i anhysbysrwydd a gyda phwy y byddwn yn siarad
Rydyn ni’n ofalus iawn i sicrhau anhysbysrwydd pobl rhag y wasg a’r cyhoedd. Ond mae rhai pethau y bydd angen i ni o bosibl eu rhannu â phobl eraill:
- os byddwn yn cysylltu â thystion efallai y bydd yn rhaid i ni ddweud eich enw wrth rai ohonynt
- os byddwn yn cyfweld unigolyn dan amheuaeth, bydd angen i ni ddweud eich enw wrtho ef/hi
- os ydych chi o dan 16 oed, bydd angen i ni ddweud wrth eich rhiant/rhieni neu warcheidwad/gwarcheidwaid
Gallai’r tystion rydyn ni’n siarad â nhw gynnwys unrhyw un a welodd neu a glywodd rhywbeth. Neu unrhyw un rydych chi wedi siarad â nhw am y digwyddiad.
Weithiau byddwn yn cyhoeddi datganiad i’r wasg am achos i chwilio am dystion neu bobl eraill a allai fod wedi dioddef wrth law’r un troseddwr. Ond ni chewch eich enwi’n gyhoeddus gan yr heddlu ac rydyn ni’n brofiadol iawn o ran sicrhau anhysbysrwydd.
Os nad ydych yn hapus â'r ffordd rydyn ni’n eich trin
Mae hawl gennych i gael eich trin gyda pharch ac urddas drwy’r amser. Ond rydyn ni’n gwybod y gallai eich profiad weithiau deimlo’n annheg, yn ansensitif, neu’n waeth na hynny.
Os bydd hyn yn digwydd i chi, rydyn ni eisiau eich cefnogi a gwella pethau. Os na allwn ni wneud hynny, rydyn ni eisiau ei gwneud hi mor hawdd â phosibl i chi ein dal i gyfrif.
Os nad ydych chi’n hapus â’n penderfyniad i beidio â chyhuddo rhywun neu drosglwyddo eich achos i Wasanaeth Erlyn y Goron, efallai y gallwch ddefnyddio Cynllun Hawl Dioddefwyr i Adolygiad.
Os nad ydych yn hapus â rhywbeth arall yn y ffordd rydyn ni wedi eich trin, gallwch wneud y canlynol:
- ffeilio cwyn yn ein herbyn ar-lein gan ddefnyddio ein gwasanaeth cwynion ar-lein
- cysylltu â’r Comisiynydd Dioddefwyr sydd wedi’i benodi gan y Llywodraeth i gynrychioli dioddefwyr a thystion troseddau
Tynnu'n ôl o'r ymchwiliad
Os ydych chi’n penderfynu nad ydych am fwrw ymlaen â’r ymchwiliad, gallwch gamu nôl neu roi’r gorau iddi unrhyw bryd. Gallwch ofyn i’ch achos gael ei ailagor eto yn nes ymlaen os byddwch yn newid eich meddwl.
Hyd yn oed os byddwch yn penderfynu tynnu'n ôl, gall eich adroddiad ein helpu i atal pobl rhag troseddu yn y dyfodol.